Молдавскиот Уставен суд соопшти дека претседателот Игор Додон може времено да биде отстранет од должност поради тоа што не назначил министер.
Судот вчера објави дека Додон може да биде лишен од обврските поради „неизвршување на своите должности според Уставот“.
Молдавскиот претседател го оквалификува тоа решение како „груба злоупотреба“ на Судот и се закани со улични протести.
Во септември премиерот Павел Филип во два наврата го предложи Еуген Стурза за министер за одбрана, но Додон не сакаше да го назначи.
Молдавскиот претседател не сакаше да ја прифати кандидатурата со образложение дека Стурза не е од Армијата.
Молдавија нема министер за одбрана од 2016 година.