ЕУ денеска одлучи да и додели 150 милиони евра макрофинансиска помош на Молдавија за зајакнување на државата во сегашниот геополитички контекст, јави дописничката на МИА од Брисел.
Молдавија е исто така под закана од Русија поради сепаратистичката област Транснистрија и прима бројни бегалци од Украина. Во оваа ситуација, земјите членки на ЕУ одлучија да и доделат 150 милиони евра макрофинансиска помош на оваа држава во облик на заеми и грантови.
Овие средства имаат за цел да го зајакнат капацитет на Молдавија да се справи со геополитичките предизвици и да ги покрие финансиските потреби идентификувани од страна на Меѓународниот Монетарен Фонд, како и да ја поддржи земјата во нејзината реформска агенда.
Помошта усвоена денеска го покрива периодот 2022-2024.
Исплаќањето ќе се прави во три транши од 2022 до 2024. Од целокупната сума, 120 милиони ќе бидат заеми на среден и долг рок, а 30 милиони грантови.
Извор: МИА