Европската унија ја повика Русија да ја запре поддршката за проруските сепаратисти во Источна Украина по нивната одлука да започнат голема офанзива против силите на Киев.
– Ескалацијата на борбите води до зголемување на бројот на цивилни жртви. Ја повикуваме Русија да преземе целосна одговорост, се наведува во соопштение на високиот претставник на ЕУ за надворешна политика и безбедност Федерика Могерини.
Могерини повика за итен прекин на вооружените судири, повлекување на тешкото вооружување и почитување на договорот во Минск потпишан во септември минатата година.
Во соопштението на високиот претставник на ЕУ за надворешна политика и безбедност не се споменуваат нови европски санкции кон Русија.
Вчера проруските бунтовници во Источна Украина објавија дека планираат офанзива во целата област и ја отфрлија можноста за примирје со украинските власти.