Актуелните полски католички свештеници имаат различни духовни вредности отколку нивните претходници и повеќето од нив не го почитуваат целибатот и оваа забрана ја сметаат за нереална, јави дописникот на МИА од Прага повикувајќи се на полските медиуми.
– Од речиси 30.000 полски католички свештеници, 60 проценти живеат или живееле со партнерки, а 12 до 15 посто од нив имаат едно или повеќе деца, вели социологот Јозеф Баниак од Универзитет во Познањ.
Според Баниак, проблемот на сексуалноста на духовните водачи, од кои 70 проценти се хетеросексуалци, а останатите хомосексуалци или бисексуалци, претставуваа „жежок компир“ и никој во Католичката црква не сака да зборува на таа тема односно да го допре и лесно да се изгори.
Експертите, посветувајќи и се на темата, велат дека обично врските меѓу свештенството и нивните партнерки се тајни и за тоа се дознава на интернет каде тие анонимно раскажуваат за тоа и бараат поддршка кај жени со слична судбина.