Јапонскиот министер за надворешни работи и неговиот кинески колега се сретнаа во седиштето на ОН во Њујорк за да разговараат за кризата во Источно Кинеското Море,која доведе до влошување на односите меѓу двете земји.
Министрите Коичиро Гемба и Јанг Јиечи ги повторија територијални барања на нивните земји во врска со спорните острови.
Како што наведува официјалната кинеска агенција Синхуа, јапонскиот министер уште еднаш повторил дека Токио сака да ги национализира трите острови на архипелагот, кои беа откупени од приватен сопственик, а неговиот кинески колега истакнал дека ова е очигледна повреда на територијалниот интегритет на Кина.
Кинеско-јапонската криза во Источното Кинеско Море беше продлабочена вчера кога во јапонските територијални води, околу островите Сенкакуа, влегоа осум бродови на тајванската крајбрежна стража и десетици рибарски чамци. Островите Сенкаку и припаѓаат на Јапонија, но ги присвојуваат и Пекинг и Тајван.