Германскиот канцелар Ангела Меркел изјави денеска дека САД имаат „посебна одговорност“ спрема Ирак каде безбедносните сили се борат против исламски екстремисти.
Шефот на пратеничката група на германските демохристијани во Бундестагот, Фолкер Каудер изјави за германски медиуми дека САД треба да обезбедат стабилност во Ирак и оти Вашингтон би требало да разгледа можност да обнови воена интервенција.
Запрашана за коментар за таа изјава, Меркел одговори дека „посебна одговорност за САД не е само во тоа, и Обама прашањето го анализирал во изминатите денови“. Меркел не спомена за воена акција.