Германската канцеларка Ангела Меркел ја откажа својата посета на Тунис, предвидена за почетокот на октомври, објави еден од нејзините советници. Германските медиуми објавуваат како зад откажувањето на посетата е стравот за безбедноста на првата дама на Германија, поради нередите во регионот предизвикани од американскиот антиисламски филм. Портпаролот Стефан Сеиферт изјави дека посетата е откажана во договор со туниската влада. Одби да каже кои се причините, но Финаншал Тајмс Дојчланд објавува дека во прв план е стравувањето за нејзината безбедност.
Канцеларката вчеравечер на собир со нејзините странски колеги зборуваше за големата германска муслиманска заедница. „Во Германија живеат повеќе од три милиони муслимани и исламот стана “дел од нас“ – изјавила Меркел.
„Големиот дел до муслиманите во Германија се дистанцираа од таквите постапки“ – рече Меркле реферирајќи за насилствата кои ги предизвика филмот „Невиност на муслиманите“. Во немирите во Судан, настрада и германската амбасада. Германската влада го критикуваше филмот како груб напад на исламот, а министерот за надворешни работи Гвидо Вестервел го нарече “говор на омраза“. Германските власти се погласно размислуваат да се воведе забрана за емитување на филмот во Германија.
“