Германскиот канцелар Ангела Меркел го повика денеска Кипар да спроведе реформи и додаде дека одлуката за европската помош за земјата нема да биде донесена во блиска иднина.
– Денеска сме тука за да ја процениме ситацијата во Кипар и во другите европски земји, изјави Меркел, која учествува на вонредниот состанок на Европската народна партија во градот Лимасол.
Кипар бара финансиска помош, која може да достигне до 17 милијарди евра.
– Ќе му пренесам на Кипар дека ситуацијата е таква што од една страна се потребни реформи, а од друга страна е потребна солидарноста на другите европски земји, рече Меркел.
Таа не прецизираше какви реформи треба да спроведе Кипар. Никозија веќе спроведе строги економски мерки, кои имаат за цел да се заштедат околу една милијарда евра на барање на тројката меѓународни кредотори, Европската унија, Европската централна банка и Меѓународниот монетарен фонд.