Германската канцеларка Ангела Меркел ги предупреди граѓаните да не учествуваат во антиисламските протести, на кои учествуваат голем број поддржувачи во источниот германски град Дрезден.
Во своето новогодишно обраќање до сонародниците, Меркел ги осуди организаторите на протестите, истакнувајќи дека се водат од „предрасуди и омраза кон странците“.
Таа денеска употреби невообичаено остра реторика во врска со митинзите, кои се организираат од организација под името „Патриотски Европејци против исламизирање на Западот“ и на кои учествуваат илјадници луѓе.