Идниот германски канцелар Фридрих Мерц денеска изјави дека коалицискиот договор што го постигнаа конзервативците со социјалдемократите е знак дека Европа може да се потпре на Германија.
– Договорот е многу силен и јасен сигнал за граѓаните на нашата земја. Тоа е јасен сигнал и за нашите партнери во Европската унија, рече Мерц на заедничката прес-конференција со своите коалициски партнери.
Тој нагласи дека Германија „добива влада која е силна и способна за дејствување“, додавајќи дека очекува сите инволвирани страни да се согласат на коалициски договор, пренесува Ројтерс.