Првата дама на САД, Меланија Трамп во денешното прво обраќање во Обединети нации, упати апел до светските лидери да се здружат за благосостојба на децата.
Таа посочи дека децата го следат примерот на возрасните лица и им порача на сопругите на светските лидери дека „мора да учат една од друга за вредностите на емпатија и комуникација, кои се срж на љубезноста, внимателност, интегритет и лидерство“.
– Мораме да се здружиме за благосостојбата на нашите деца. Мораме да имаме на ум дека децата гледаат и слушаат, така што никогаш не смееме да ја пропуштиме можноста да ги научиме на голем број етички лекции, посочи Меланија Трамп во Мисијата на САД во ОН.
На свечениот ручек во Мисијата на САД во ОН, помеѓу другите на масата со Меланија Трамп седеа сопругите на францускиот претседател Емануел Макрон, турскиот претседател Реџеп Таип Ердоган, канадскиот премиер Џастин Трудо и финскиот претседател Саули Нинста.