Идната американската прва дама Меланија Трамп нема да му се придружи на новоизбраниот претседател Доналд Трамп на денешната средба во Белата куќа, прв чекор во мирна транзиција на власта, пишуваат американските медиуми.
Меланија Трамп нема да присуствува на средбата меѓу нејзиниот сопруг и претседателот Џо Бајден, објави нејзиниот кабинет на социјалните мрежи.
„Таа го охрабрува нејзиниот сопруг да се врати во Овалната соба за да го започне процесот на транзиција и му посакува успех“, соопшти кабинетот на Меланија Трамп.
Вековен обичај е првата дама да прими чај со својот наследник. Во 2016 година, Мишел Обама организираше чајна забава со Меланија Трамп и ја прошета низ Белата куќа.
Семејството Трамп не беше домаќин на семејството Бајден во Белата куќа откако Џо Бајден победи на изборите во 2020 година, ниту ја чекаа неговата инаугурација бидејќи Трамп тврдеше дека изборите биле украдени.