Околу 20.000 луѓе протестираа по улиците на Мексико сити против претседателот на САД Доналд Трамп, пренесува БТА.
Учесниците во протестот во мексиканската престолнина побараа почит кон нивната земја и нејзините емигранти. Тие протестираа против плановите на Трамп да изгради ѕид на границата меѓу САД и Мексико и поради зголемувањето на депортациите на имигранти од САД.
Многу од учесниците во поворката носеа мексикански знамиња и беа облечени во бело во знак на единство и како симбол на неполитички карактер на протестниот марш. Демонстрантите носеа слогани како „Ти благодарам Трамп што го обедини Мексико!” и „ Ги сакаме Американците, го мразиме расизмот”.
Учесниците во акцијата изразија поддршка за Мексиканците кои живеат во САД.
Помали протестни маршови се одржаа и во други мексикански градови.