Рускиот премиер Дмитриј Медведев синоќа на еремснкиот претседател Серж Саркисјан му предложил да ги прифати предлозите на Русија за мерките за решавање на конфликтот во Нагорно Карабах, јави ТАСС.
На почетокот на средбата во Ереван, Саркисјан го информирал Медведев за настаните од последните денови во зоната на конфликтот и изразил надеж дека земјите кои претседаваат со „Групата од Минск“ ќе можат да дадат посредничка помош за нормализирање на ситуацијата.
Медведев пак, уште еднаш посочил дека не постои алтернатива на мировните преговори за мирно решавање на конфликтот.
– Сега главно е да биде сочуван мирот, да бидат обновени преговорите дури и покрај тоа, што позадината на овие преговори, благо речено, не е најдобра, истакна рускиот премиер.