Поранешниот претседател на Русија и близок соработник на Владимир Путин, Дмитри Медведев, го повика Илон Маск, најбогатиот човек на светот и новиот сопственик на Твитер, да ја исклучи сателитската интернет услуга во Украина.
Медведев му честиташе на Маск за „надминувањето на политичката пристрасност и идеолошката диктатура на Твитер“. „И откажете се од тој бизнис со Старлинк во Украина“, додаде Медведев.
Good luck @elonmusk in overcoming political bias and ideological dictatorship on Twitter. And quit 👋 that Starlink in Ukraine business
— Dmitry Medvedev (@MedvedevRussiaE) October 28, 2022
Илон Маск обезбедува сателитска интернет услуга за Украина преку услугата Starlink, која се покажа како клучна за комуникациите на украинската армија.
Медведев пред неколку дена ја коментираше оставката на Лиз Трс со зборовите „збогум Лиз Трс, честитки за салатата“, алудирајќи на британската споредба на нејзиното владеење со времетраењето на главица зелена салата.
Маск одговорил: „Доволно добро тролање, да бидам искрен“. Потоа го праша Медведев „како се одвиваат работите во Бахмут“, еден од ретките украински градови во чија близина напредуваат руските сили.
Медведев одговори: „Се гледаме во Москва на Денот на победата“.