Министерот за одбрана на САД, Џејмс Матис на средба со украинските лидер во Киев ја обвини Русија дека се обидува сосила да ги промени меѓународните граници, пренесува БТА.
– Вашингтон не ја прифаќа анексијата на Крим од страна на Москва, нагласи тој.
Американскиот министер денеска разговараше со претседателот на Украина, Петро Порошенко и со претставници на украинската Влада, по што присуствуваше на парадата по повод 26-годишнината од независноста на Украина. Тој е првиот американски секретар за одбрана кој ја посетил земјата последниве 10 години.
На средбата со Порошенко, Матис вети дека САД ќе и помогнат на Украина да изгради модерна армија, но не спомена ништо за достава на оружје, коментираат упатени извори.
Според изворите, било разговарано и за можноста за испраќање вооружена мисија со мандат на ОН во Донбас.