Американскиот секретар за одбрана Џејмс Матис денеска изјави дека по поразот на Исламската Држава во Сирија и во Ирак, се поставува прашањето „што сега?“.
– Се обидуваме да го вратиме мировниот процес на вистинскиот пат и да обезбедиме малцинствата да не бидат изложени на малтретирање, изјави Матис за време на посетата на Финска.
Сунитската исламистичка група е потисната од нејзините последни урбани упоришта во Сирија – Рака и Дер ез Зор, како и од Мосул и Хавиџа во Ирак.
Контролата врз освоената територија ја држат разни групи, од ирачката и сириската армијата, проиранските шиитски групи до курдските паравоени единици.
Матис најави дека во следните денови ќе има средби со европски политичари на кои ќе се дискутира за иднината на Сирија и за тоа како да се спречи евентуално повторно враќање на Исламската Држава.