Министерот за одбрана на САД Џејмс Матис изјави денеска дека има авторитет да го одредува бројот на војниците во Авганистан.
Тој наведе дека ќе ја ревидира стратегијата на САД во Авганистан и ќе ја достави во Белата куќа во текот на наредните недели, нагласувајќи дека бројот на војниците нема да биде ниту приближен до оној што бил во времето на администрацијата на поранешниот претседател на САД Барак Обама.
При сведочењето пред Сенатот, Матис истакна дека претседателот на САД Доналд Трамп вчера му дал овластување да го одредува бројот на војниците во Авганистан.
На прашањето дали ќе се зголеми бројот на американските војници во Авганистан, што сега изнесува околу 8.400 лица, Матис потенцираше дека „нема такви планови“.