Спејс екс губи приближно 20 милиони долари месечно за одржување на сателитски услуги во Украина, но Маск најави дека ќе продолжи да финансира и покрај тоа, пренесува Ројтерс.
„Нема пари од Министерството за одбрана, но неколку други земји, организации и поединци финансираат од 11.000 до 25.000 терминали“, напиша Маск во вчерашната објава на Твитер.
Маск, најбогатиот човек на светот и извршен директор на Тесла, рече дека компанијата потрошила и околу 80 милиони долари за овозможување и поддршка.
Американскиот весник Политико во понеделникот објави дека Пентагон ќе го преземе финансирањето на Старлинк во Украина, цитирајќи двајца неименувани американски функционери.
Старлинк е мрежа од микросателити дизајнирани да обезбедат пристап до Интернет.