Европската комесарка за проширување Марта Кос денес изјави дека не е загрижена дека членството на Украина во Европската Унија ќе стане адут за преговарање во преговорите со Русија, додавајќи дека пристапувањето на Киев во Унијата е политички аспект на безбедносните гаранции.
„Се согласувам со нашата претседателка (Европската Комисија Урсула фон дер Лајен) дека членството (на Украина) во ЕУ е политички аспект на безбедносните гаранции. Јас го гледам на ист начин. Што се однесува до процесот на пристапување на Украина, навистина нема враќање назад“, рече Кос.
Кос нагласи дека не е можно да се обезбеди безбедност во Европа без стабилизација и дека „проширувањето може да игра голема улога во тоа“.