Марта Кос: Мојата визија е дека еден ден целиот Западен Балкан да биде дел од нашата Европа

Од:

„Денеска сме тука да работиме за подобри врски за луѓето од утрешнината“, изјави европската комесарка за проширување Марта Кос по нејзиното пристигнување на Меѓународната министерска конференција за Коридорот 8 во Софија.

„Бугарија е порта кон Европа за регионот на Црното Море, како и за Турција, а Западен Балкан игра многу важна улога на поврзување“, рече Кос.

Таа истакна дека во регионот се спроведуваат над 130 проекти, вклучително и за изградба на нови патишта и железници и за подобрување на граничните премини.

„Но, мојата визија како комесарка за проширување оди многу подалеку. Мојата визија е дека еден ден целиот Западен Балкан ќе биде дел од нашата Европа“, рече европската комесарка.

Според нејзините зборови, тогаш граничните премини и транспортните врски за кои се зборува денес повеќе нема да имаат исто значење, „затоа што ќе бидеме една Европа“.

„Една Европа што работи заедно – ова е визијата кон која работиме во Брисел, тука во Софија, на Западен Балкан и, секако, во земјите-членки“, додаде Кос.

Би можело да ве интересира

Марта Кос одржа почетни разговори со „Студентската листа“ во Брисел

ЕК воведува три новини во Пакетот за проширување – патокази, постепена интеграција и безбедносен фокус

Кос: Извештајот за проширувањето содржи 3 нови елементи, Србија има шанса за нов почеток

Кос повтори: Македонија треба да ја исполни обврската за завршување на уставните измени

Кос: ЕК следната недела ќе изнесе дополнителни идеи за проширувањето

(ВИДЕО) Марта Кос: Македонија мора да го исполни ветувањето и да ги внсе Бугарите во уставот

Катерина Ѓуровски