Портпаролката на руското Министерство за надворешни работи, Марија Захарова, зборувајќи по повод назначувањето на поранешната канадска министерка за надворешни работи, Кристија Фриланд, за специјален советник на украинскиот претседател Володимир Зеленски, изјави дека украинското претседателство долго време е засолниште за неонацистите.
Захарова на својот Телеграм канал потсети дека Фриланд е внука на нацистичкиот соработник Михаил Хомјак, кој бил „вистински портпарол на пропагандата на Третиот рајх“, чии активности биле следени од нацистичките разузнавачки служби.
Според Захарова, токму Кристија Фриланд стоела зад говорот на нацистичкиот соработник и волонтер во СС дивизијата, Јарослав Хунка, во канадскиот парламент, каде што добил овации, објави РИА Новости.