Страшно злосторство се случи во 2021 година кога 14-годишен малолетник од Флорида ја избодел Тристин Бејли (13) од американскиот град Џексонвил дури 114 пати и престанал откако сечилото му се заглавило поради убод во черепот на несреќната тинејџерка и се скршил во внатрешноста на главата.
Поради бруталноста на злосторството, властите решија да му судат на малолетникот како на возрасен, иако првично беше обвинет за убиство од втор степен.
Девојчето беше пронајдено мртво во шума со 114 убодни рани по телото, од кои 49 убоди биле од самоодбрана и сите повреди и биле на рацете и главата.
Осомничениот им рекол на пријателите дека „има намера да убие некого“, но никој не ги сфатил сериозно неговите изјави. Меѓутоа, случајот брзо стана кристално јасен кога на неговата облека беше пронајдена ДНК на жртвата.
– На сведоците им навести дека ќе убие некого така што ќе ја однесе жртвата во шума и ќе ја избоде со нож – изјави државниот обвинител Р.Ј. Ларица.
Јавноста беше шокирана од фактот што на 9 мај, кога првпат беше приведен како сведок, тој направи серија селфи од полициско возило и без проблем се пофали со нив на социјалните мрежи. Не е јасно зошто точно ја убил Тристин, ниту како ја избрал да биде негова жртва.
Тој може да биде осуден на доживотен затвор.