Американскиот тинк-тенк Институт за проучување на војната во својата најнова анализа вели дека белорускиот лидер Александар Лукашенко веројатно успеал да ги заузда напорите на рускиот лидер Владимир Путин да ја принуди Белорусија на дополнителни отстапки за време на вчерашната средба во Минск.
Путин и Лукашенко се воздржаа од јавно коментирање за руската инвазија на Украина, но истакнаа дека Белорусија се уште се соочува со закана од Западот. Путин најави дека можеби ќе размисли за обука на белоруски борбени пилоти за „користење специјални боеви глави“ поради „ескалацијата“ на ситуацијата на надворешните граници на Унијата.
ISW претходно оцени дека Лукашенко ја користи реториката на одбрана на границите на Белорусија од Запад и НАТО за да избегне учество во руска инвазија.
ISW во својата анализа наведува дека е малку веројатно Белорусија да учествува во војната на Путин против Украина. Фактот дека Путин изгледа неубедливо ги прифатил темите на разговор на Лукашенко, без да се обидува да ги приспособи, ја поддржува оваа оценка.
New: Belarusian President Alexander #Lukashenko likely deflected Russian President Vladimir #Putin’s efforts to coerce #Belarus into further Russian-Belarusian integration concessions during a meeting in #Minsk on December 19.
Read our latest on #Ukraine: https://t.co/5lSDtAOecZ pic.twitter.com/pLYvB7wn2N
— ISW (@TheStudyofWar) December 20, 2022