Малезија покрена денеска обвинение против две жени за убиство во Куала Лумпур на Ким Џонг-нам, полубратот на севернокорејскиот лидер Ким Џонг-ум.
Дваесет и пет годишната Индонезијка, Сити Ајшах и 28-годишната Виетнамка Доан Ти Хуон беа обвинети за убиство на Ким на 13 февруари на аеродромот во Куала Лумпур, извршено со моќниот невроагенс, Ве-Икс.
Двете осомничени пристигнаа во судот со лисици и со полициска придружа. Доколку бидат прогласени за виновни, тие ќе бидат осудени на смрт со бесење.
Сослушувањето пред судот, кој се наоѓа во предградие на Куала Лумпур траеше помалку од 20 минути.
Стотина тешко вооружени полицајци со маски ги обезбедуваат влезовите. За неколку месеци ќе почне судскиот процес против обвинените.