Претпладнево околу 11:00 часот, мал авион се урна врз станбена куќа во Гандеркезе, во сојузната покраина Долна Саксонија.
Полицијата потврди дека едно лице загина, се претпоставува дека тоа е пилотот на авионот. Во моментот на несреќата, станарите не беа во куќата, пишува „Билд“.
Сино-белото летало претходно изгуби висина, а потоа под агол се урна низ ќерамидите директно во поткровјето. Пилотската кабина беше целосно уништена, крилата отпаднаа, а делови од остатоците паднаа на земја.
На местото на несреќата набрзо пристигнаа бројни спасувачки служби.
Пожарникарите користеа скала за да го прегледаат покривот, додека полицијата го обезбеди поширокиот простор.
Сè уште официјално не е потврдено дали загинатиот е пилотот.
Постојат индиции дека во авионот имаше уште едно лице кое сè уште не е пронајдено, а спасувачките екипи се обидуваат да го лоцираат со помош на дронови.
Според првичните информации, авионот полета од аеродромот во Бремен непосредно пред несреќата.