Светот ја губи битката во борбата против климатските промени, изјави францускиот претседател Емануел Макрон денеска на Самитот за климатски промени „Една планета“ во Париз.
Тој кажа дека не се реагира доволно брзо и дека сите мора да дејствуваат. Макрон побара нова енергија во напорите за справување со климатските промени, кои се ослабени по повлеквуањето на САД од Парискиот договор за климата.
Нема официјални американски претставници на Самитот во Париз, кој што се одржува по повод двегодишнината од склучувањето на Договорот за климата.
Денеска повеќе од 200 институционални инвеститори, со ресурси вредни 26 трилиони долари, се обврзаа дека ќе извршат притисок врз големите корпорации да преземат мерки во борбата против климатските промени.