Францускиот претседател Емануел Макрон денеска побара од Русија итно да го објасни случајот со труењето на критичарот на Кремљ, Алексеј Навални и нагласи дека Париз нема да дозволи да се преминат „црвените линии“ во врска со употребата на хемиско оружје.
– Ние нема да толерираме употреба на хемиско оружје во Европа, Русија или Сирија. Ова појаснување мора да биде брзо и беспрекорно, затоа што ќе ги примениме нашите црвени линии, потенцира Макрон на Генералното собрание на ОН.
Сепак, тој не прецизираше што ќе се стори доколку Русија не даде задоволителни објаснувања.
Кремљ негира каква било вмешаност во труењето на Навални.