Францускиот претседател Емануел Макрон денес изјави дека никаква офанзивна, обид за анексија или присилна размена на население нема да го запре меѓународниот процес на признавање на палестинска држава.
„Ниту една офанзивна, обид за анексија или присилна размена на население нема да ја запре динамиката што ја започнавме заедно со престолонаследникот, а на која веќе се придружија многу партнери“, рече тој по состанокот со саудискиот престолонаследник Мохамед бин Салман, објавува „Ле Фигаро“.
Макрон нагласи дека се движи кон поширока меѓународна поддршка за палестинската државност и дека „многу партнери“ веќе учествуваат во оваа иницијатива.
Покрај тоа, францускиот лидер остро ја критикуваше одлуката на Соединетите Американски Држави да не издаваат визи на палестинските претставници за претстојното Генерално собрание на Обединетите нации.
„Оваа одлука е неприфатлива. Повикуваме на нејзино повлекување и Палестина да биде претставена, во согласност со правилата на седиштето на ОН“, нагласи Макрон.
Макрон кон крајот на јули објави дека Франција ќе признае палестинска држава во септември 2025 година, на претстојната сесија на Генералното собрание на Обединетите нации.