Макрон: Некои европски земји би биле подготвени да имаат мировни сили во Украина

Од:

Францускиот претседател Емануел Макрон денеска изјави дека некои европски земји би биле подготвени да имаат мировници во Украина како безбедносна гаранција по потпишувањето на мировниот договор, иако тие нема да бидат испратени во првите редови.

Макрон, зборувајќи заедно со американскиот претседател Доналд Трамп во Белата куќа, рече дека мировниот договор може да дојде во втора фаза, по она што тој го нарече „примирје“, објави Ројтерс.

Макрон, исто така, рече дека „силата на повторното ангажирање на САД со Русија е извор на несигурност за рускиот претседател Владимир Путин“.

Тој нагласи дека Франција е подготвена да обезбеди безбедносни гаранции за Украина, пренесува Танјуг.

Францускиот претседател Емануел Макрон синоќа пристигна во Вашингтон, а американскиот претседател Доналд Трамп го прими во Белата куќа. Како што јави телевизијата БФМ, станува збор за „итна мисија“, при која Макрон ќе се обиде да ја „омекне“ американската позиција кога станува збор за Украина, во време кога Франција предупредува да не се брза со „набрзина склучен“ договор за прекин на огнот во таа земја.

Би можело да ве интересира

Бела куќа: Украинците одлучуваат кој ќе управува со Украина

Русија: Треба привремена администрација во Украина под покровителство на ОН, САД или европските земји

Зеленски: Украина е силна земја која навистина сака мир

Зеленски: Руските услови за прекин на огнот во Црното Море се нереални

Украина: Русите во Саудиска Арабија одбија да преговараат за запирање на нападите врз цивили

Украина го обвинува главниот пропагандист на Путин за поттикнување геноцид