Францускиот претседател Емануел Макрон ги осуди денес најновите руски напади врз Киев и изјави дека Европската Унија и нејзините партнери ќе го зголемат притисокот врз Русија со нови санкции и ќе продолжат со воената поддршка за Украина.
– Во Киев и неговата околина, Русија повторно одлучи да ги таргетира цивилите. Таквата политика на терор што се спроведува со ракети и беспилотни летала е неприфатлива, напиша Макрон на платформата X.
Тој нагласи дека секој нов напад потврдува дека Русија мора да ги сноси последиците од својата агресија и да биде одговорна за извршените злосторства.