Интерпол ја информираше хрватската полиција дека пронашле тело на дете во реката Сава во Белград.
Загрепската полиција штотуку објави дека, преку меѓународна полициска соработка, со ДНК анализа е утврдено дека станува збор за жртва на тешко кривично дело убиство извршено на 15 јануари оваа година во Загреб, во близина на мостот Јанкомир.
Ова е случај од почетокот на годината кога Хрватската национална агенција за управување со катастрофи и вонредни состојби и други служби со денови бараа тригодишно девојче чија мајка го фрли во реката во близина на мостот Јанкомир.
Мајката во тие денови беше испрашувана од страна на државното обвинителство и ѝ беше изречена мерка притвор за сторено кривично дело тешко убиство.
Како што дознава Индекс, таа сè уште е во притвор додека истрагата продолжува.