Палестинскиот претседател Махмуд Абас денеска ја поздрави одлуката на Шведска да ја признае државата Палестина.
– Претседателот Абас ја поздрави одлуката на Шведска, оценувајќи ја како смела и историска, изјави неговиот портпарол Набил Абу Рудеин.
Шведската министерка за надворешни работи Маргот Валстром претходно изјави дека нејзината влада ја признала со декрет државата Палестина.
Најмалку 112 држави досега ја признале државата Палестина.
Според податоци на палестинската автономна област околу 134 држави ја признале Палестина, меѓу кои се седум членки на ЕУ.