Претседателот на Венецуела, Николас Мадуро остро ги критикува САД поради воведување санкции за седумина официјални лица од неговата држава, кои што се обвинети за прекршување на човековите права и најави дека од венецуелскиот Конгрес ќе бара поголеми овластувања за „борба против империјализмот“.
-Претседателот Барак Обама во име на американската империјалистичка елита одлучил лично да преземе задача да ја порази мојата влада, да интервенира во Венецуела и да ја контролира нашата држава. Тој денес го направи најагресивниот, најнеправедниот и најотровен чекор кој САД некогаш го направиле против Венецуела – рече Мадуро.
Инаку САД синоќа воведоа санкции против седумте највисоки официјални лица во Венецуела, со образложение дека тие се одговорни за гушење на антивладините протести минатата година во Венецуела и кривичното гонење на опозиционерите во таа држава.
На овие официјални лица им се забранува влегување во САД и им се замрзнува имотот во таа држава.
Е.Г.