Американскиот претседател Барак Обама лично си поставил задача да изврши државен преврат во Венецуела, но таквите потези се осудени на неуспех, изјави венецуелскиот претседател Николас Мадуро во своето телевизиско обраќање кон нацијата.
Ова е првата реакција на Мадуро по указот на Обама, со кој ја прогласи Венецуела како закана за националната безбедност, им воведе санкции на седум физички лица и изрази загриженост од начинот на кој Владата во Каракас се однесува кон политичките противници.
– Претседателот Обама одлучи да тргне по безнадежен пат, по пат на неуспехот. Тој одлучи да го остави за себе си истиот спомен како и Ричард Никсон и Џорџ Буш, истакна Мадуро.