Венецуелскиот претседател Николас Мадуро изрази протест поради одбивањето на САД да издадат виза за влез на шефот на неговата администрација Вилмер Бариентос за учество на годишната сесија на Генералното собрание на ОН во Њујорк.
Мадуро нагласи дека САД се должни да дозволат влез на Бариентос во согласност со обврските како земја, каде се наоѓа седиштето на светската организација.
– САД не ја поседуваат ОН, истакна тој.
Венецуелскиот претседател како одговор на агресијата од Вашингтон најави тврди мерки од дипломатски карактер.
Претходно венецуелскиот министер за надворешни работи Елиас Хауа објави дека САД не дозволиле на авионот на Мадуро да мине низ воздушното пространство на американската територија Порторико на пат за Кина.