Претседателот на Венецуела Николас Мадуро „му се заблагодари“ на американскиот претседател Доналд Трамп поради критиките кои ги упатувал кон него, а како што вели тој, „го прославиле во светот“.
– Чест ми е што шефот на империјата секој ден ме споменува. Тоа значи дека правам нешто како што треба, наведе Мадуро, проследено со смеење, по враќањето во Каракас по посетата на Русија, на Белорусија и на Турција.
Мадуро истакна дека Трамп „станал предводник на венецуелската опозиција“.
– Ме прослави во светот. Секој пат кога ме споменува, се повеќе ме сакаат. Цел нов свет се отвора за Венецуела благодарение на санкциите на Трамп, нагласи венецуелскиот претседател.