Венецуелскиот претседател Николас Мадуро го прогласи американскиот милијардер Илон Маск за „заколнат непријател и закана за Венецуела“, откако бизнисменот претходно го нарече „диктатор“.
„Нашиот нов заколнат непријател, познатиот Илон Маск… Тој би сакал да дојде со своите проектили и со својата војска и да ја нападне Венецуела. Тој е претставник на фашистичка идеологија, антиприродна, антисоцијална“, рече Мадуро.
По објавувањето на резултатите од претседателските избори во Венецуела, според кои Мадуро е реизбран за трет мандат, Маск го обвини актуелниот претседател за „голем фалсификат“.