Венецуелскиот претседател Николас Мадуро денес беше префрлен во судница во Њујорк, каде што ќе се појави подоцна денес по обвинението за трговија со дрога и оружје во САД.
Мадуро беше префрлен под полициска придружба од затворот во Бруклин, каде што е држен откако беше уапсен во Каракас за време на викендот, а потоа со хеликоптер беше префрлен во судница, објави Си-Ен-Ен.
Според извештаите, Мадуро носел тренерки и светло портокалови патики.
Мадуро треба да се појави на суд напладне по локално време (18 часот по источно време) во федералниот суд во долен Менхетен.
Судијата на федералниот округ Алвин К. Хелерштајн претседава со случајот.
Во саботата, околу 2 часот по локално време, САД ги уапсија Мадуро и неговата сопруга, Силија Флорес, во воена операција во Каракас. Тие беа однесени во притворниот центар во Њујорк, каде што ќе им се суди по обвинението за трговија со дрога и оружје.