Генералниот директор на МААЕ Јукија Амано изјави денеска дека најновата нуклеарна проба на Северна Кореја е „за исклучително жалење“ и дека „во целост ги занемарува барањата повеќепати повторени од меѓународната заедница“.
– Денешната нуклеарна проба извршена од властите во Северна Кореја, е акт што е за исклучително жалење. Таа нова проба е шеста од 2006 година, и во целост ги занемарува барањата поставени повеќепати од меѓународната заедница“, се вели во соопштение од Амано.
Хидрогенската бомба тестирана денеска од Северна Кореја е петпати посилна од онаа фрлена врз Нагасаки во 1945 година кога загинаа 74.000 луѓе, објави Би-Би-Си.