Иран ги исполнува своите обврски според меѓународниот договор за неговата нуклеарна програма, а инспекторите на Меѓународната агенција за атомска енергија (МААЕ) не наидуваат на проблеми при нивните инспекции, изјави денеска генералниот директор на МААЕ Јукија Амано.
– МААЕ може да каже дека ангажманите од тој вид, во врска со нуклеарната програма, се исполнуваат, рече Амано на прес-конференција во Абу Даби.
Тој вчера беше во посета на Иран, каде имаше средба со претседателот Хасан Рохани и други претставници на власта.
– Побарав Иран целосно да ги спроведе обврските околу нуклеарната програма. Тоа беше главниот акцент на средбата во Иран. Што се однесува до активностите на нашите инспектори, тие си ги извршуваат обврските без проблем, рече Амано.