Вршителот на должност директор на Меѓународната агенција за атомска енергија (МААЕ) Корнел Ферута го повика денеска Иран „брзо да одговори“ на прашањата кои му ги упатува тоа тело на ОН во рамки на активностите на нуклеарната програма.
– Важно е брзо да се реагира, истакна Ферута на почетокот на редовното заседание на советот на гувернери на МААЕ во Виена.
Состанокот се одржува неколку денови откако иранските власти соопштија дека дополнитело ги намалуваат своите обврски кон нуклеарниот договор постигнат во 2015 година со шесте светски сили – САД, Русија, Велика Британија, Франција, Германија и ЕУ.
Иран тогаш се согласи да ги ограничи активностите на збогатување ураниум, а за возврат му се укинати меѓународните санкции.
САД во меѓувреме се повлекоа од договорот и повторно воведоа санкции против Техеран, кој постепено почна да ги намалува своите обврски, добиени согласно договорот.