Луксембург го почнува шестмесечното претседавање со ЕУ

Од:

Луксембург денеска го презема од Летонија шестмесечното претседавање со ЕУ, а имајќи предвид дека тоа ќе биде 12-ти пат оваа мала земја да претседава со Унијата откако е воведен ротирачкиот систем, се очекува тоа да помине без поголеми потреси.

Претседавањето, како што е најавено, ќе се заснова врз седум столбови: поттикнување на растот, инвестиции и вработување, продлабочување на социјалните димензии на ЕУ, управување со миграциите, фокус врз дигитализација на единствениот пазар, промоција на конкурентноста, одржливиот развој и јакнење на улогата на Унијата на глобална сцена.

Меѓу приоритетите за следните шест месеци Луксембург го нема ставено проширувањето на ЕУ, веројатно затоа што не очекува да се направат големи чекори во тој процес.

Официјално претседавањето ќе започне на 3 јули со повеќе манифестации во Луксембург, каде за време на викендот ќе се одржат културни настани во кои ќе учествуваат претставници од сите 28 членки на ЕУ.

Од 1 јануари 2016 година претседавањето со ЕУ ќе го преземе Холандија.

Би можело да ве интересира

Повеќето Британци сакаат да се вратат во ЕУ

Франција ја нуди својата војска за одбрана на Гренланд од Трамп

А1он

Трамп вети дека ќе воведе царини за Европската Унија и Кина

Горан Наумовски

Хабер: ЕУ мора да биде подготвена за царинска војна со САД

Фицо не исклучува можност од излегување на Словачка од ЕУ и НАТО

Европската унија би можела да испрати воени трупи во Украина

А1он