Лукашенко: За време на актуелната контраофанзива загинаа околу 40.000 Украинци

Од:

За време на актуелната контраофанзива на Украина, загинаа околу 40.000 Украинци, изјави белорускиот лидер Александар Лукашенко во интервју за телевизијата „Русија 1“.

„Контраофанзивата“ започна на 4-5 јуни. Ние не ни забележавме. Па, не забележавте и вие. Ја следиме ситуацијата, гледаме што се случува таму. За тоа време околу 40.000 луѓе загинаа. Тие загинаа! Над 100.000 беа ранети. Речиси 120.000-150.000 (загуби во работна сила). Уште полошо минаа возилата „Бредли“ и „Леопард“, рече белорускиот лидер.

Лукашенко додаде дека офанзивата ја започнал режимот во Киев, бидејќи треба да ја покаже својата решителност пред претстојниот самит на НАТО во Вилнус, кој ќе се одржи на 11 и 12 јули.

Претходно, рускиот лидер Владимир Путин изјави дека нападот на украинските сили бил во тек од четири правци и дека непријателот немал успех во ниту еден правец. Тој додаде дека украинските сили трпат големи загуби, прецизирајќи дека загубите на Украина во работна сила за време на контраофанзивата се „блиску до катастрофални“.

Би можело да ве интересира

Пендаровски: Поддршка за Украина слободно да го избере патот по кој ќе чекори во иднина

Шолц: Нема да испраќаме војници во Украина

Се огласи и Шпанија, не се согласува со испраќање војници во Украина

Велика Британија нема да распоредува војска во Украина

Предраг Петровиќ

ВИДЕО: Во Украина првпат уништен американски тенк Абрамс

Катерина Ѓуровски

Кремљ: Ако Франција испрати војници во Украина, директен конфликт со НАТО е неизбежен

Катерина Ѓуровски