Украинското сценарио нема да се повтори во Белорусија, бидејќи „гаранција за тоа се мудроста и патриотизмот“ на нашиот народ, изјави денеска белорускиот претседател Александар Лукашенко во обраќањето на церемонија во Минск по повод Денот на победата над фашизмот.
– Блиската за нас, Украина се претвори во жешка точка, констатира Лукашенко вината за, како што рече, „историската трагедија – брат да крева рака врз брат“, ја префрли врз корупцијата, слабата економија и надворешните интриги.
Според него, „крвавата драма на украинскиот народ предизвикало НАТО да се придвижи кон границите на Белорусија и Русија“.
– Многумина денес ги забораваат поуките од историјата, а некои држави се обидуваат одново да го утврдат правото на силниот во светот, рече Лукашенко.
Тој додаде дека Белорусија ќе одговори на секој агресор и дека нејзината армија и сите безбедносни структури се подготвени „да го бранат суверенитетот на земјата и граѓанскиот мир од внатрешни и надворешни непријатели“.