Претседателот на Белорусија, Александар Лукашенко ги охрабри Белорусите да одат да работат на село и да возат трактори како начин да се спасат од епидемијата на коронавирусот.
Лукашенко во обраќањето кое се емитуваше на националната телевизија рече дека „не треба да има паника околу вирусот“.
-Она што треба е да се работи, посебно сега, на село. Убаво е да се види на телевизија како луѓе работат со трактори и никој не ни спомнува вирус. Така, тракторот е лек за сите вас. Полето лекува се, рече Лукашенко.
Белоруското министерство за здравство претходно соопшти дека бројот на пациентите кои се позитивни на тестот за присуство на коронавирусот порасна на 36.