Приврзаниците на претседателот на Белорусија, Александар Лукашенко, денеска организираат дефиле низ улиците на главниот град Минск, како одговор на неколкунеделните протести на опозицијата, кои ја тресат белоруската престолнина и власта на Лукашенко.
Претседателот, кој го започна својот шести мандат и покрај противењето на опозицијата која обвинува за изборен грабеж, денеска се закани со реципрочни мерки како одговор на воведувањето санкции од ЕУ против таа земја.
– Јас ѝ наложив на владата да достави предлог сите трговски текови од пристаништата во Литванија да бидат насочени кон другите. Ајде да видиме како тие ќе живеат со тоа, рече Лукашенко.
Министрите за надворешни работи на ЕУ решија да воведат санкции за дваесет високи белоруски функционери осомничени за изборни измами и полициска репресија на учесниците во граѓанските протести во Белорусија.
Белорускиот претседател денеска на половина армија и нареди да влезе во состојба на борбена готовност, како одговор на она што тој смета за закана од Западот, јави агенцијата Белта.