Претседателот Александар Лукашенко ја нарече Москва гарант на праведен светски поредок.
– Руската Федерација е модерна држава уверена во својата сила, една од водечките светски сили со моќен економски и одбранбен потенцијал, се вели во честитката на Лукашенко по повод Денот на Русија до рускиот претседател Владимир Путин и граѓаните на Русија.
Тој нагласи дека народите на Белорусија и Русија отсекогаш биле тесно поврзани низ историјата.
„Споменот за заедничко надминување на искушенијата, заедничките достигнувања и победи се пренесува од генерација на генерација. Токму ова пријателство, тестирано од времето, дава неисцрпна енергија за понатамошен хармоничен развој“, нагласи белорускиот претседател.
Тој му посака на Путин добро здравје и успех во неговата работа, а на граѓаните на Русија среќа, благосостојба и просперитет.