Лукашенко го обвини Обама за „американски екцепционализам“

Од:

Претседателот на Белорусија Александар Лукашенко денеска упати остри критики на сметка на американскиот колега Барак Обама, правејќи паралела меѓу нацизмот и како што рече, „американскиот екцепционализам“.

Екцепционализам или национална исклучивост претставува уверување дека некоја држава или народ ги одликуваат специфични карактеристики заради кои врз за нив не важат општите правила или критериуми што се валидни за другите, „обичните“ групи.

Лукашенко, во интервју за казахстанската телевизија 24.кз, истакна дека Белорусија веќе го преживеала тој екцепционализам, кој ја чинел 50 милиони животи.

Американските медиуми наведуваат дека оваа бројка веројатно се однесува на жртвите од нацизмот во Советскиот сојуз во текот на Втората светска војна, иако повеќето историчари сметаат дека реалната бројка изнесува меѓу 20 и 30 милиони жртви.

Обама, по смртоносниот напад со хемиско оружје, на крајот на август во предградие на Дамаск, во обид да го обвини сирискиот режим изјави дека во прашање се доведени американските идеали и принципи.

– Тоа е она што ја издвојува Америка. Тоа е она што нас не прави посебни, изјави тогаш Обама.

Лукашенко, во интервјуто што денеска беше емитувано во Белорусија, изјави дека е изненаден од тоа што Обама ја застапува ваквата реторика, имајќи предвид дека доаѓа од земја „каде црнците не така одамна беа робови“.

Рускиот претседател Владимир Путин, во авторски текст во „Њјујорк тајмс“, што беше објавен во септември, исто така, ја критикуваше изјавата на Обама дека САД се посебни.

Би можело да ве интересира

Тензично на белоруските граници со ЕУ

Ана Ололовска

Полска не и дава на Европската комисија пристап до границата со Белорусија

А1он

Летонија ја продолжи вонредната состојба на границата со Белорусија

Ана Ололовска

Полска планира оградата од бодликава жица на границата со Белорусија да ја замени со бариера

Ана Ололовска

Литванија и Летонија почнаа да градат ограда на границата со Белорусија

Катерина Павлова-Николовска

Еврокомисијата бара суспензија на договорот за олеснување на визниот режим за Белорусија

А1он

Leave a Comment

five + 15 =