Германскиот авиопревозник „Луфтханза“ денеска откажа повеќе од 670 европски летови поради предупредувачки штрајк на аеродромскиот персонал.
„Луфтханза“ вчера соопшти дека во периодот меѓу пет часот наутро и попладне ќе ги откаже поголемиот дел од домашните и кратки летови на аеродромите во Франкфурт, Минхен, Дизелдорф, Берлин и Хамбург.
Синдикатот на вработените во „Луфтханза“ повика на штрајк, со цел да се зголеми притисокот врз раководството на компанијата непосредно пред вториот круг преговори за зголемување на платите од 5,2 проценти за околу 33.000 вработени.